कपनमा भएको आगलागीमा परी तीनको मृत्यु

-तस्वीर स्रोत: अनलाइनखबर

काठमाडौं, ५ असोज । काठमाडौंको कपनमा बुधबार साँझ भएको आगलागीमा परी तीनजनाको मृत्यु भएको छ । कपनस्थित एक ट्रेकिङ अफिसमा आगलागी भएको थियो ।

करिब पौने ७ बजेतिर भएको आगलागीमा परी अन्य केही घाइते पनि भएका छन् । उनीहरुलाई उपचारका लागि महाराजगञ्‍जस्थित त्रिवि शिक्षण अस्पताल लगिएको छ । मृतकको पहिचान भने खुलेको छैन ।

आगलागीपछि अक्सिजन सिलिन्डरहरु पनि पड्किएका थिए । स्थानीयले पनि आगो लागेको ठाउँमा ठुलो विस्फोटको आवाज आएको बताएका थिए ।

काठमाडौं, ललितपुर र भक्तपुरको दमकलमार्फत आगलागी नियन्त्रणमा आइसकेको प्रहरीले बताएको छ ।

Comments

सम्बन्धित शीर्षकहरु

आजको लोकप्रिय