पाकिस्तानसँगको टी-२० श्रृंखलामा इंग्ल्यान्डको विजयी सुरुवात
काठमाडौं, ५ असोज । पाकिस्तान भ्रमणमा रहेको इंग्ल्यान्ड क्रिकेट टोलीले तीन खेलको टी२० श्रृंखलामा विजयी सुरुवात गरेको छ । मङ्गलबार सम्पन्न पहिलो खेलमा इंग्ल्यान्डले पाकिस्तानलाई ६ विकेटले हराएको हो ।
जीतका लागि पाएको १५९ रनको लक्ष्य इंग्ल्यान्डले ४ बल बाँकी छँदा ४ विकेटको क्षतिमा पूरा गर्यो । इंग्ल्यान्डको जीतका एलेक्स हेल्सले ५३ रनको अर्धशतकीय पारी खेले भने ह्यारी ब्रुक ४२ रनमा अविजित रहे ।
बेन डकेटले २१ तथा डेविड मलानले २० रन बनाए । पाकिस्तानका उस्मान कादिरले २ तथा हारिस राउफ र शाहनवाज दहानीले १-१ विकेट हात पारे ।
त्यसअघि टस हारेर पहिले ब्याटिङ गरेको पाकिस्तानले निर्धारित २० ओभरमा ७ विकेट गुमाएर १५८ रन बनायो । मोहम्मद रिजवानले ६८ रन बनाउँदा कप्तान बाबर आजमले ३८ रन बनाए ।
इफ्तिकार अहमदले २८ रनको योगदान दिए । इंग्ल्यान्डका लुक वूडले ३ विकेट लिँदा आदिल राशिदले २ तथा साम करान र मोइन अलीले १-१ विकेट लिए ।
जीतसँगै इंग्ल्यान्डले सात खेलको श्रृंखलामा १-० को अग्रता लिएको छ ।
Comments
Rupee Exchange Rate