डाइभर्सन बगाएपछि फेरि अवरुद्ध बन्यो सिद्धार्थ राजमार्ग
पाल्पा, १७ भदौ । सडक भासिएपछि अवरुद्ध बनेको सिद्धार्थ राजमार्ग सुचारु गर्न बनाइएको डाइभर्सन पनि पहिरोले बगाएपछि राजमार्ग ठप्प भएको छ ।
राजमार्गको पाल्पा बुटवल सडकअन्तर्गत हिउँदेखोलामा बिहिबार दिउँसो सडक भासिएपछि बनाइएको डाइभर्सनमा पनि राति करिब १० बजेतिर पहिरो खसेको हो ।
डाइभर्सन निर्माण सकिएलगत्तै गएराति दुई ठाउँमा पहिरो खसेपछि सवारी आवागमन पूर्णरुपमा ठप्प भएको हो । सडक बन्द भएपछि यात्रुहरु अलपत्र परेका छन् ।
निरन्तर वर्षा भइरहेकाले रोकिएपछि मात्रै सवारी साधन सञ्चालन गर्ने गरी काम गरिने बताइएको छ ।
Comments
Rupee Exchange Rate