‘द हन्ड्रेड’ क्रिकेट: वेल्श फायर सबै खेलमा पराजित, ट्रेन्ट प्लेअफमा छनौट
काठमाडौं, २९ साउन । इंग्ल्यान्डमा जारी ‘द हन्ड्रेड’ क्रिकेट प्रतियोगितामा ट्रेन्ट रकेट्सले छैटौं जीत निकाल्दा वेल्श फायर एक खेल पनि नजिती प्रतियोगिता अन्त्य गरेको छ । गएराति भएको खेलमा ट्रेन्टले वेल्श फायरलाई २९ रनले हराएको हो ।
ट्रेन्टले दिएको १७३ रनको लक्ष्य पछ्याएको वेल्शले पूरा १०० बल खेल्दै ६ विकेट गुमाएर १४३ रन मात्र बनाउन सक्यो । उसका म्याथिउ क्रिच्ले ५५ रनमा अविजित रहेपनि टोलीलाई जीत दिलाउन सकेनन् । ट्रेन्टका साम कुक, समित पटेल र तब्रेज शाम्शीले २-२ विकेट लिए ।
त्यसअघि टस हारेर पहिले ब्याटिङ गरेको ट्रेन्टले निर्धारित १०० बलमा ४ विकेट गुमाएर १७२ रन बनाएको थियो । डेविड मलानले ५८ तथा एलेक्स हेल्सले ३८ रन बनाए । वेल्शका क्रिच्ले, डेभिड पेन, जेक बल र जर्ज स्रकिमशले १-१ विकेट लिए ।
योसँगै ६ खेलबाट १२ अंक भएको ट्रेन्ट शीर्षस्थानमा रहेको छ र प्लेअफका लागि छनौट भएको छ । सबै ८ खेल खेल्दा अंकविहीन रहेको वेल्श पुछारमा रहेको छ ।
Comments
Rupee Exchange Rate