प्रेसिडेन्सी कलेजलाई उत्कृष्ट बिजनेस स्कुलको उपाधि
चितवन, १३ भदौ । चितवनको भरतपुरमा रहेको प्रेसिडेन्सी कलेज अफ म्यानेजमेन्ट साइन्सेसले बागमती प्रदेशस्तरीय उत्कृष्ट बिजनेस स्कुलको उपाधि पाएको छ ।
न्यू बिजनेश एज प्रालिद्वारा काठमाडौंमा आयोजित ‘छैटौं न्यू बिज बी-स्कूल, मूल्याङ्कन, र्याङकिङ अवार्ड-२०२२’ कार्यक्रममा भरतपुरको प्रेसिडेन्सी कलेज अफ म्यानेजमेन्ट साइन्सेसले उत्कृष्ट बिजनेस स्कुलको उपाधि हासिल गरेको हो।
उक्त कार्यक्रममा दुई हजारभन्दा बढी कलेजहरूको सहभागिता रहेको थियो । सबै कलेजहरूलाई पछाडि पार्दै उत्कृष्ट बिजनेस स्कुलको स्थान हासिल गर्न सफल भएको प्रेसिडेन्सी कलेजका प्राचार्य शभ्भु क्षेत्रीले जानकारी दिए ।
पूर्वाञ्चल विश्वविद्यालयबाट सम्बन्धन प्राप्त प्रेसिडेन्सी कलेजले विगत १९ वर्षदेखि कक्षा ११ र १२, बिबिए र एमबिएको अध्यापन गराउँदै आएको छ ।
Rupee Exchange Rate