एसिया कप क्रिकेटमा पाकिस्तानमाथि भारतको जीत
काठमाडौं, १३ भदौ । युएईमा जारी एसिया कप क्रिकेटमा भारतले विजयी सुरुवात गरेको छ । भारतले पाकिस्तानलाई ५ विकेटले हराएको हो ।
पाकिस्तानले दिएको १४८ रनको लक्ष्य भारतले १९.३ ओभरमा ५ विकेटको क्षतिमा भेट्टायो । विराट कोहली र रविन्द्र जडेजाले समान ३५ रन बनाए भने हार्दिन पान्ड्या ३३ रनमा अविजित रहे । पाकिस्तानका मोहम्मद नवाजले ३ तथा नसीम साहले २ विकेट लिए ।
त्यसअघि टस हारेर पहिले ब्याटिङको निम्तो पाएको पाकिस्तान १९.५ ओभरमा १४७ रनमा अलआउट भएको थियो । मोहम्मद रिजवानले सर्वाधिक ४३ रन बनाउँदा इफ्तिकार अहमदले २८ रन बनाए । भारतका भुवनेश्वर कुमारले ४ विकेट लिँदा हार्दिक पान्ड्याले ३, अर्शदीप सिंहले २ तथा आवेश खानले १ विकेट लिएका थिए ।
जीतसँगै समूह ए मा रहेको भारतले २ अंक जोडेको छ ।
Comments
Rupee Exchange Rate