सभागृहमा शेखर पक्षको खबरदारी सभा (तस्वीरहरु)
काठमाडौं, १ भदौ । नेपाली काँग्रेसको संस्थापन पक्षले एकलौटी गरेको भन्दै नेता डा.शेखर कोइराला पक्षले काठमाडौमा खबरदारी सभा गरेको छ ।
संस्थापन पक्षले पार्टीको भ्रातृसंगठनको मनोनयन र सरकारमा समेत एकलौटी गरेको भन्दै कोइराला पक्षले राष्ट्रिय सभागृहमा खबरदारी सभा गरेको हो ।
सभामा नेपाली काँग्रेसका पुर्व सह-महामन्त्री अर्जुननरसिंह केसीले सम्बोधन गरेका छन् । केसीसङ्गै पार्टी नेताहरु गुरुराज घिमिरे, जगदीश नरसिंह केसी लगायत भ्रातृसंगठनका नेताले सम्बोधन गर्दैछन् ।
राष्ट्रिय सभागृह खचाखच भरिएको छ । यसले संस्थापन पक्षलाई झस्काइ दिएको छ ।
नेपाली काँग्रेसको भ्रातृसंगठनमा शेखर कोइराला निकट रहेका नेपाल विद्यार्थी संघ, तरुण दल, नेपाल आदिवासी जनजाति महासङ्घ, नेपाल किसान संघ र महिला संघले विरोध सभा आयोजना गरेका हुन ।
सभामा सो समूहका नेता शेखर कोइराला, गगन थापा, धनराज गुरुङ भने उपस्थित भएनन् ।
तस्विरहरु: परेवा न्युज
Comments
Rupee Exchange Rate