अवरुद्ध नारायणगढ-मुग्लिन सडक दुईतर्फी सञ्चालनमा
चितवन, १९ साउन । पहिरो खसेपछि अवरुद्ध भएको नारायणगढ–मुग्लिन सडक दुईतर्फी सञ्चालनमा आएको छ । भरतपुर महानगरपालिका-२९ केराबारीमा खसेको पहिरो पन्छाएपछि सडक पुनः सञ्चालनमा आएको हो ।
दिउँसो करिब साढे १२ बजेको समयमा लेदो सहितको पहिरो खसेर सडक अवरुद्ध बनेको थियो । पहिरो पन्छाएर आवागमन सुचारु भएपछि रोकिएका सवारीसाधन अहिले गन्तव्यतर्फ लागेका छन् ।
वर्षाको समयमा यस सडक पटकपटक अवरुद्ध हुने गरेको छ ।
Comments
Rupee Exchange Rate