अवरुद्ध नारायणगढ-मु्ग्लिन सडक झन्डै २३ घण्टापछि सुचारु
तस्वीरः ई सागर कार्की
चितवन, १७ साउन । अवरुद्ध मुग्लिन-नारायणगढ सडक झन्डै २३ घण्टापछि सञ्चालनमा आएको छ ।
सोमबार राति करिब ११ बजेदेखि अवरुद्ध बनेको सडक मङ्गलबार राति करिब पौने १० बजेदेखि सञ्चालनमा आएको हो ।
अविरल वर्षापछि ठाउँठाउँमा पहिरो खस्दा सडक अवरुद्ध भएको थियो भने भरतपुर-२९ केराबारीमा ठुलो पहिरो खसेको थियो ।
दिनभर पानी परेकाले पहिलेकै ठाउँमा फेरि पहिरो खसेकोले सडक सञ्चालनमा ल्याउन कठिन भएको थियो ।
सडक अवरुद्ध भएपछि गाडीहरुको लामो लाइन लागेको थियो । त्यसकारण सडकमा अहिले गाडीको चाप छ र विस्तारै सवारीहरु गन्तव्यतर्फ लाग्दै छन् ।
Comments
Rupee Exchange Rate