सोमबार विहानैदेखि हल्का वर्षा, कस्तो रहनेछ दिनभरको मौसम ?
काठमाडौं, २ साउन । काठमाडौं उपत्यकासहित बाग्मती प्रदेशका केही स्थानमा विहानैदेखि हल्का वर्षा भइरहेको छ । मनसुनको न्युन चापीय रेखा हाल पनि सरदर स्थानभन्दा दक्षिण तिर नै रहेकाले पछिल्ला दिनहरुमा मनसुन सक्रिय हुन सकिरहेको छैन ।
तर मङ्गलबारदेखि भने मनसुन सक्रिय भएर धेरैजसो स्थानमा हल्कादेखि मध्यम तथा केही स्थानमा भारी वर्षा हुने सम्भावना रहेको मौसम पुर्वानुमान महाशाखाले जनाएको छ ।
महाशाखाका अनुसार आज दिनभरको मौसम यसप्रकार रहनेछ ।
दिउँसो: देशभर आंशिकदेखि सामान्य बदली रहनेछ। देशको पहाडी भू-भागका केही स्थानहरुमा र बाँकी भू-भागका एक-दुई स्थानहरुमा मेघ गर्जन/चट्याङसहित हल्कादेखि मध्यम वर्षाको सम्भावना रहेको छ ।
राती : देशभर आंशिक देखि सामान्य बदली रहनेछ । देशको पहाडी भू-भागका केही स्थानहरुमा र बाँकी भू-भागका थोरै स्थानहरुमा मेघ गर्जन/चट्याङसहित हल्कादेखि मध्यम वर्षाको सम्भावना रहेको छ । सुदूरपश्चिम प्रदेशको एक-दुई स्थानमा भारी वर्षाको समेत सम्भावना छ ।
Comments
Rupee Exchange Rate