पोखरामा अवैध गतिविधि सञ्‍चालन गरेको आरोपमा तीन चिनियाँ र एक नेपाली पक्राउ

पोखरा, १७ असार । पोखरामा अवैध गतिविधि सञ्‍चालन गरेको आरोपमा तीन चिनियाँ र एक नेपाली पक्राउ परेका छन् ।

शंकास्पद गतिविधि भइरहेको सूचनाका आधारमा पोखरा महानगरपालिका-१७ ड्यामसाइडबाट झन्डै ४६ लाख रूपैयाँसहित उनीहरुलाई कास्की प्रहरीले पक्राउ गरेको हो ।

प्रहरीले बिहिबार छापा मारेर ४५ लाख ९७ हजार १८० रूपैयाँसहित उनीहरुलाई पक्राउ गरी थप अनुसन्धान अगाडि बढाएको हो ।

उनीहरुको साथबाट नियन्त्रणमा लिएको नगदको स्रोत उनीहरूले खुलाउन नसकेको कास्की प्रहरी प्रवक्ता डिएसपी सुन्दर तिवारीले जानकारी दिएका छन् ।

पक्राउ पर्नेमा नुवाकोटको ककनी गाउँपालिका– ७ का सुमन तामाङ छन् भने चिनियाँ नागरिकको पहिचान खुलेको छैन ।

तामाङकै नाममा दर्ता रहेको डायमन्ड टेक्नोलोजी नामक कम्पनीमार्फत उनीहरुले अवैध गतिविधि गरिरहेको प्रहरीको भनाइ छ ।

नेपालमा बसेर चिनियाँ नागरिकले साइबर अपराध र ठगीजन्य गतिविधि गरिरहेको सूचना प्रहरीलाई पहिल्यैदेखि प्राप्त हुँदै आएको छ ।

Comments

सम्बन्धित शीर्षकहरु

आजको लोकप्रिय

  • पूर्वराजा ज्ञानेन्द्रसँगको भेट…

    म बाहिरबाट आएर घरको भर्‍याङ चढ्दै थिएँ, टेलिफोनको घण्टी सुनियो । कोठाभित्र पसेर टेलिफोन उठाएँ । त्यस बेलाका त्रिभुवन विश्वविद्यालयका...