जुम्ल्याहा बाइक !
काठमाडौं, १५ असार । काठमाडौंमा एकै नम्बर भएका दुई मोटरसाइकल भेटिएका छन् । गौशाला चोकको जाममा रोकिएका बेला एकै नम्बर भएका मोटरसाइकल देखिएका हुन् ।
बुधबार विहान करिब साढे ८ बजेको समयमा गौशालामा जाममा रहेका बेला देखिएका ती दुई मोटरसाइकलको तस्वीर त्यही जाममा रहेका प्रदीपजंग क्षेत्रीले खिचेका थिए ।
दुवै मोटरसाइकलको नम्बर बागमती प्रदेश-०२-०२२ प २३८० थियो । उक्त तस्वीर अहिले सामाजिक सञ्जालमा भाइरल छ ।
कतिपयले ती बाइकहरुलाई जुम्ल्याहा बाइक भन्दै हाँस्यास्पद टिप्पणी पनि गरेका छन् ।
यसबारेमा अहिले उपत्यका ट्राफिक प्रहरी कार्यालयले पनि अनुसन्धान थालेको छ । दुवै बाइकको खोजी भइरहेको छ ।
Comments
Rupee Exchange Rate