प्रधानमन्त्रीका साहसी छोरीहरू !
काठमाडौं । प्रधानमन्त्री केपी शर्मा ओलीले चर्चित दुई गायिकालाई साहसी छोरीहरू भन्दै प्रशंसा गरेका छन् । प्रधानमन्त्रीले गायिका समिक्षा अधिकारी र एलिना चौहानलाई साहसी छोरीहरू भनेका हुन् ।
पछिल्लो समय यी दुई गायिकाको निजि जिवनलाई लिएर सामाजिक संजालमा नकारात्मक टिप्पणी सहितको भिडियो,असभ्य कमेन्ट र अपाच्य शब्द प्रयोग हुनथालेपछी उनीहरुको बचाउमा प्रधानमन्त्री पनि देखिएका हुन् । गायिकाद्वयले पनि त्यस्ता कमेन्ट गर्नेलाई सार्बजनिक गर्ने र कानुनी उपचारमा जाने भन्दै प्रतिवाद गरिरहेका छन् ।
प्रधानमन्त्रीले शनिबार बिहान् सामाजिक संजाल फेसबुकमा लेखेका छन् ,-‘आफू राम्रो देखिन अरूको दोष खोजेर गाली गर्ने, जस्तो कुराको पनि विरोध नै गर्ने र सराप्ने परपीडक प्रवृत्तिबाट समाजलाई बचाउनु पर्छ। समाजलाई उत्तेजनाले ‘गाइड’ गरेर गलत बाटोतर्फ डोर्याउन नदिन र विवेकतर्फ फर्काउन ‘गाली गर्नेहरूलाई सार्वजनिक गरिदिने’ यी दुई गायिकाको तरिका सही लाग्यो। समाजको हरेक सकारात्मक पहलकर्ताले गाली पाउने प्रवृत्ति अति भइसक्यो। राम्रो गर्न खोज्नेले हिम्मत हार्नु हुँदैन।’
Rupee Exchange Rate